[المقطع الأول]
في ناس بتسيبلك علامة
في قلبك لو مهما بعدوا لفين، لفين
وناس مش فارق وجودها
في روحك لو حتى عِشرة سنين، سنين
في ناس مش بتقول بتعمل
وجنبك في الشدة تظهر
وناس حلفتلك تكمل
لكن زي الورد تدبل
في ناس من قلبك تعدّي
فتاخد أكتر ما تدّي
وناس من روحك تهدّي
تشوف بيها الدنيا أجمل

[اللازمة]
في ناس بتسيبلك علامة
في قلبك لو مهما بعدوا لفين، لفين

[المقطع الثاني]
وندور على ناس شبهنا
وحد بناخد راحتنا معاه، معاه
نعوض فيه اللي فاتنا
وننسى اللي زمان تعبنا قساه، قساه
وقلب طيب يداوي
يحس بكل اللي فينا
ونفضل ماشيين أملنا
نشوف مخلص بس لينا
قلوب وبتاخدك معاها
مشاعر ولا فيلم سيما
ونذخل مليون متاهة
ونحلم بقلوب سليمة
[اللازمة]
في ناس بتسيبلك علامة
في قلبك لو مهما بعدوا لفين، لفين