[المقطع الأول]
دي القصة واللي كان إتنين حبوا زمان
تفتكروا الحب كمل ولاّ مع الوقت هان؟
آه القصة واللي كان إتنين حبوا زمان
تفتكروا الحب كمل ولاّ مع الوقت هان؟
هو كان قلبه خام وقليل في الكلام
لسه صغير لكنه مليان وحدة وآلام
هي زينة البنات بضفيرة وفيونكات
ولا تعرف يعني إيه حب ولهفة وغرام
وقابلها في مرة صدفة
إتبرجل لما شافها
إبتسمت بان كسوفها
إحساس خطفه وخطفها

[اللازمة]
ده يومين وهتنساها، مش ده الحب اللي يعيش
إنسيه دي قلوبكم لسه بريئة ما بتحبيش
ده كلام من أقرب ناس لما حكولهم سمعوه
والحب ما كانش بإيدهم يعني عشان ينسوه

[المقطع الثاني]
بيشوفها مكان ما يروح
في خياله ومش بتروح
من شكله هتعرف إنه حيران قلبه ومجروح
هي قلبها مكسور ووحشها ومش بتقول
مش عارفة هتنساه ولاّ وجع القلب ده هيطول؟
وقابلها في مرة صدفة
دمع أول ما شافها
باين في عينيها خوفها
وفي بينهم ألف سور
[اللازمة]
ده يومين وهتنساها، مش ده الحب اللي يعيش
إنسيه دي قلوبكم لسه بريئة ما بتحبيش
أيام عدت ما نسوش من وقت ما قالوا سلام
عمر القلب اللي يحب ما يرجع زي ما كان

[المقطع الثالث]
القصة واللي كان إتنين حبوا زمان
وجعوا قلوبهم عشان حبوا قبل الآوان
آه القصة واللي كان إتنين حبوا زمان
وجعوا قلوبهم عشان حبوا قبل الآوان