[المقطع الأول]
مشاوير ذكريات وسنين
تفاصيل هنلاقيها في مين
وسؤال كل يوم بالليل
راجعين ولا مش راجعين؟
حواديت زي حب زمان
عناوين، روحنا كل مكان
أيام مش بتيجي كتير
أيام تغلب النسيان

[اللازمة]
يا فراق، مش كفاية فراق؟
هرتاح إمتى من الأشواق؟
وديت ليه حبيبي بعيد؟
أوجاعي كل يوم بتزيد
يا فراق، مش كفاية فراق؟
يا فراق جاي ع العشاق
يرضيك؟ هو إحنا أي إتنين؟
ما تروح، روح لناس تانيين

[المقطع الثاني]
في اليوم ألف مرة بموت
بيبان إني مش مبسوط
وهجيب فرحة تاني منين؟
ع الفاضي عمري بقى بيفوت
الباب ما إتقفلش وراه
كداب لو هقول أنساه
وهعيش، ع الأمل ده هعيش
دي حياتي كلها وياه
[اللازمة]
يا فراق، مش كفاية فراق؟
هرتاح إمتى من الأشواق؟
وديت ليه حبيبي بعيد؟
أوجاعي كل يوم بتزيد
يا فراق، مش كفاية فراق؟
يا فراق جاي ع العشاق
يرضيك؟ هو إحنا أي إتنين؟
ما تروح، روح لناس تانيين