[المقطع الأول]
أنا اللي إختاره قلبي مش بضحي بيه
لو جرالي إيه
مش كل يوم بنلاقي حد يليق علينا
ونليق عليه
من قبل ما آجي الدنيا وقبل ما إنت تيجي
عهدنا قديم
ولا يملى عيني غيرك إنت يا حبيبي
ربنا عليم

[اللازمة]
داري
أنا خايف يحسدونا
داري
أو يكسفونا
شاري
ومسَلِّم يا حبيبي
وفين ده تلاقيه

[المقطع الثاني]
لو قولت أعيش لو ثانية وإنت مش معايا
ما أقدرش أعيش
في إتنين يحبوا ويحكوا عنهم ١٠٠ حكاية
وإتنين مافيش
الحب ده بيتلاقى كل فين وفين
وأنا حظي كان
إن القمر ده ملكي أنا ومخبيين
وآن الأوان
[اللازمة]
داري
أنا خايف يحسدونا
داري
أو يكسفونا
شاري
ومسَلِّم يا حبيبي
وفين ده تلاقيه