[المقطع الأول]
بغلط طول عمري ومش بتعلم من غلطاتي
ومافيش ولا مرة إخترت وكانت صح إختياراتي
ما بحبش غير الناس إللي تبوظلي حياتي
وبروح ليها برجلي كمان
بطلع من ضربة لضربة ومن جرح على التاني
وكأن الجرح لايقلي ومتفصل علشاني
ما راهنتش على حد أنا أبدًا وكسبت رهاني
لازم على طول أطلع خسران

[اللازمة]
أنا مبهر في إختيار الأشخاص الغلط
بنقيهم نقاوة من وسط كل الناس
أفضل أطنش عيوب وأبلعلهم الزلط
ومش بفوق غير لما بتكون خربت خلاص
أنا مبهر في إختيار الأشخاص الغلط
بنقيهم نقاوة من وسط كل الناس
أفضل أطنش عيوب وأبلعلهم الزلط
ومش بفوق غير لما بتكون خربت خلاص

[المقطع الثاني]
أنا شكلي الظاهر غاوي أذية وغاوي خسارة
اللي يريحني أنا بهرب منه قوام وأتدارى
وإللي بيتعبني بحبه وأكون له رهن إشارة
وبإيدي وسناني أنا بمسك فيه
الناس تنصحني أبعد عن حد أئمنله زيادة
وبقول أنا صح وبطلع برضه غلط كالعادة
الكل بيجري على الحاجة إللي تجبله سعادة
وأنا وجعي لقلبي بجري عليه
[اللازمة]
أنا مبهر في إختيار الأشخاص الغلط
بنقيهم نقاوة من وسط كل الناس
أفضل أطنش عيوب وأبلعلهم الزلط
ومش بفوق غير لما بتكون خربت خلاص
أنا مبهر في إختيار الأشخاص الغلط
بنقيهم نقاوة من وسط كل الناس
أفضل أطنش عيوب وأبلعلهم الزلط
ومش بفوق غير لما بتكون خربت خلاص