[Verse]
Must be di cops, Tyler nah tek nuh chance doh
Rush fi di strap, him try cut through di back-back and stuff di [?]
Puffy yute kinda shock, shootout, bine a clap
Get down, lay flat
Fireball, A.K [?] a bark, di place hot, mi nah go a jail back
Tyler mean it
So if a squeeze man affi squeeze it den a feel dem aguh feel it
Mi nah drop a jail, believe it
Shot, man a drop, 'Tec a spray
Tyler just a killer, him manage fi get away
Puffy yute ina di house, pussyclaat it set a way
Couple shot ina di shoes under bed, mi have a K
So if dem lock it down a ina Hell him aguh stay
Money a di least, lawyer fee fi pay
Son go ina di streets, a just another day
Sometime yuh affi run time
When him madda get di news she nearly faint
Fada was a killer, how di yute fi be a saint?
Court case pon court case, di picture weh dem paint
It look like a more dan ten years, only eight
Puffy yute get di time, Tyler still a roll
Puffy yute si' down and wish him was a kid at home
"Mi shoulda go a school and leave killer's zone
Right now mi feel alone, right now mi need a chrome"
Mi woulda commit suicide ina mi self
Fi si' mi mada cry tears, never feel well
It was mi fada, now a my time in Hell
Anuh cycle dis, dis a [?]
Couple months fly by and links start connect ina prison like wifi
Man affi rough up ina dis, a only child cry
Only when mi mada visit mi di I cry
Mi hear seh Tyler get shot ina drive-by
Mi hope him good doh and mi nah lie
Deya a gwan try fight di struggle, cyah die
Smoking hard [?]
Beg di Father guard I
Puffy yute boss up, information swing ina prison, a desso reality class bruk
When a news from di past [?] seh a Tyler kill him fada, leff him cold ina di rass dirt
Cold sweat a wash him, feel like seh him heart cut
World start crashing, medz start dark up
Cyah believe, him cyah believe
People aguh dead when mi jump out, some pussy better talk up
Puffy yute wul him time, back pan di street
Murder pon him mind, Glock pon di seat
Him know a Tyler kill him fada, [?] dat affi leak
Him mek him mada hear di news, she couldn't mek a speech
She just glad him come home, better reach
She look ina him eye and know death a reach
Him ask har when last she see Tyler, which part him live, weh him kids leff a creech
She give him all di info, 'memba she know a Tyler kill him fada, done know di thing go
Puffy strap up, rass El Gringo
Just a wait pan di right time fi go link up
Tyler never leff it, him have di cuatro-cinco
Money up like [?], nut'n fi wi' sink yuh
Car dem tint suh killer dem nuh [?]
Stuff it ina people face enu, like pimple
Till one day Puffy yute pull up a Tyler yawd a wait
Couple years pass, revenge never too late
Him spot two killa looking though di gate
"A Puffy yute enu" dem remeber him face
"Shoot Tyler fimmi deh, hurry up mi case"
Tyler running out, nearly trip over him lace
Glad fi see di dawg, happy smile, heart a race
Jump outta prison and deya pan di base
Puffy yute hail him, look ina him face, look ina him face
Ready fi buss him head and rest him foot ina him face
Tyler wah fi celebrate, a send fi liquor by di case
"How prison treat yuh dawg? Mi deya road, heavyweight
Puffy was mi bredda, you can link up any date
And you is like mi son, so nut'n never segregate"
Puffy yute strap up, dem nuh know, [?]
"Tyler mi have a question weh mi wah fi ask yuh straight
Who kill mi fada [?] and leff mi heart a ache
And leff mi madda lonely too, [?] faith"
"Kill di dawg weh kill yuh fafa dawg, yuh know we slaughter bait"
"A never dat mi hear ina mi cell, mi know dah talk deh fake"
Puffy yute buss it off, couldn't wait