Jaane wo kaise log the jinke pyaar ko pyaar mila
Hamne to jab kaliyaan maangi, kaanton ka haar mila

Khushiyon ki manjil dhundhi to gham ki gard mili
Chaahat ke nagmein chaahe to ahen sard mili
Dil ke bojh ko doona kar gaya jo gamakhwaar mila
Jaane wo kaise log the jinke pyaar ko pyaar mila

Bichhad gaya har saathi de kar pal do pal ka saath
Kisko fursat hai jo thaame diwaanon ka haath
Hamko apana saaya tak aqsar bezaar mila
Jaane wo kaise log the jinke pyaar ko pyaar mila

Isko hi jeena kahate hain to yun hi ji lenge
Uff na karenge, lab see lenge, aansu pee lenge
Gham se ab ghabaraana kaisa, gham sau baar mila
Jaane wo kaise log the jinke pyaar ko pyaar mila