[المقطع الأول]
جرب من إللي أنا دوقته معاك
بكرة هتمشي تبص وراك
وهتتعذب إتقل إتقل
إوعى تفكر إني ملاك
لا يا حبيبي أنا هقسى عليك
بكرة تشوف الويل بعنيك
مش هتعاتب ولا هتكلم
وقت عتابك عدى عليك

[اللازمة]
طيب طيب، صبرك حبة، ما عرفت خلاص إيه فيها
أستاذ في القسوة لكن على مين، ده أنا يا إبني معلم فيها
كده كده، أنا كده، أنا فهمك فبلاش تطلع أوي فيها
بيع مش هزعل، هرضى، هقبل وبأكتر من كده فيا
وإفتكر إن إنت تعبت ودخت لحد ما توصل ليا
بقى بعد ما تتمسكن تتمكن، ما أنا برضه الحق عليا

[المقطع الثاني]
ده أنا ياما نصحتك تبعد عني لكن إنت إخترت جزائي
ماشي براحتك لو عايز هو أنا كده طبعي ودائي
أنا ساعة الشر ما يشتر أنا عمري ما هبقى عليك باقي
لو كان عقلك صورلك إنك ممكن تلعب يوم بيا
عقلك خدعك يا حبيبي وهتشوف عكس الحنية
ده نا أيامي ما يعلم بيها ومافيش أصعب من لياليا
عايش قادر ولاهمك حركاتك عمال تداريها
بتبيع في قلوب الناس، بتعذب نفسك وإنت راضيها
وأنا جاي أعلم قلبك وهسيبك تندم بعديها
(عايش قادر ولاهمك حركاتك عمال تداريها)
(بتعذب نفسك وإنت راضيها)
[اللازمة]
طيب طيب، صبرك حبة، ما عرفت خلاص إيه فيها
أستاذ في القسوة لكن على مين، ده أنا يا إبني معلم فيها
كده كده، أنا كده، أنا فهمك فبلاش تطلع أوي فيها
بيع مش هزعل، هرضى، هقبل وبأكتر من كده فيا
وإفتكر إن إنت تعبت ودخت لحد ما توصل ليا
بقى بعد ما تتمسكن تتمكن، ما أنا برضه الحق عليا