[المقطع الأول]
بتجرحني وبرجعلك ومن تاني بتجرحني
ولا فكرت تسعدني ولا بكلمة تفرحني
كتير بتقول وتوعدني هيجي اليوم تريحني
ولو نفسك تساعدني ما تقتلني ده أريحلي

[اللازمة]
يا مستقوي وناسي إن القوي في الأقوى منه
يا واحد عاش حياة بس الحياة مش راضية عنه
بتظلم فيا للآخر
وجاي عليا ع الآخر
وقلبي يا عيني مش قادر
يكمل من اللي داق منه
يا مستقوي وناسي إن القوي شاهد وعالم
بيمهل بس ما بيهملش هو وإنت فاهم
وروح منك خلاص لله
على كل اللي أنا عايشاه
ويا بخت اللي بات مظلوم
ولا نامش في يوم ظالم

[المقطع الثاني]
بتجرحني وأنا عارفة لكن نفسي بكدبها
بقول يمكن يكون فيك خير ونفسي بلاش تعذبها
سنين عدوا وأديني معاك عمري ما كنت بحسبها
ومش عارفة وصلت لفين وقلت ع الله حسبها
[اللازمة]
يا مستقوي وناسي إن القوي في الأقوى منه
يا واحد عاش حياة بس الحياة مش راضية عنه
بتظلم فيا للآخر
وجاي عليا ع الآخر
وقلبي يا عيني مش قادر
يكمل من اللي داق منه
يا مستقوي وناسي إن القوي شاهد وعالم
بيمهل بس ما بيهملش هو وإنت فاهم
وروح منك خلاص لله
على كل اللي أنا عايشاه
ويا بخت اللي بات مظلوم
ولا نامش في يوم ظالم