[المقطع الأول]
بتخَبّط فيّا الدنيا وبتوديني يمين وشمال
الفترة دي شُفت أذيّة وشُفت مآسي تهد جبال
وحياتي بقت مش هي وحتى الحال بقى غير الحال
بقى غير الحال
الضحكة اللي إتميّزت أنا بيها الدنيا خدتها خلاص
قاسية الأيام ليه عليّا ومش قادر أجاري الأحداث
وأستنجد بس بمين وأنا واخد صدمة في كل الناس
كل الناس
كل الناس

[اللازمة]
اليومين اللي إحنا فيهم كله بيحب الأذى
واللي يلقى حد طيب يعتبرها مُعجزة
اليومين اللي إحنا فيهم كله بيحب الأذى
واللي يلقى حد طيب يعتبرها مُعجزة
مُعجزة
مُعجزة
مُعجزة

[المقطع الثاني]
ما بصدق أفوق من ضربة بلاقي وراها أنا ضربة كمان
كل اللي آمنته عليّا خَذلني ما حسسنيش بأمان
في قرايتي لكل الناس الدنيا قالتلي إن أنا غلطان
إن أنا غلطان
وأنا صالب طولي وواقف كانوا في ضهري كتير واقفين
أول ما الحال إتغير إتقلبت كل الموازين
واللي زمان كانوا معايا عليّا قوام سَنّوا السكاكين
سَنّوا السكاكين
سَنّوا السكاكين
[اللازمة]
اليومين اللي إحنا فيهم كله بيحب الأذى
واللي يلقى حد طيب يعتبرها مُعجزة
اليومين اللي إحنا فيهم كله بيحب الأذى
واللي يلقى حد طيب يعتبرها مُعجزة
مُعجزة
مُعجزة
مُعجزة