[Verse 1]
نحنا كنّا جيران
تبقوا تجوا لعنّا
نقعد سوا ونتمنّى
ونصوّر عالحيطان
ونقلّك يا شيطان
وقّعت المزهرية

[Chorus]
فايق عليّي فايق عليّي
نحنا اللي كنّا بهاك العلّية
نبقى نلعب بالقناطر وقت الشتويّة
فايق عليّي عليّي

[Verse 2]
بعّدتنا الطريق
عن طريق العتيق
بعّدتنا الطريق
عن طريق العتيق
ومدري كيف التقينا
صدفة وضحكو عينينا
وضحكت على الحيطان
صُوَرْنا من زمان
صبي ناطر صبية

[Chorus]
فايق عليّي فايق عليّي
نحنا اللي كنّا بهاك العلّية
نبقى نلعب بالقناطر وقت الشتويّة
فايق عليّي عليّي
فايق عليّي
فايق عليّي