A B C D E F G H I J K L M N O P Q R S T U V W X Y Z #

KitschKrieg

"88'000 PS"

[Verse 1]
Sitze am Pool ufem oberste Deck, d’Sunne karibisch
50 Meter überem Meer, Usblick paradiesisch
Mache sit Wuche nur das woni wett, will s’Geld ja mis isch
Schlürfe Krabbec*cktail ohni Bsteck, eifach wills glich isch
Möve am chreise, sehned sich nach eme Imbiss
Ich nimm ein Drink nachem andere, gibe s’Schirmli am Wind mit
Rest vo de Welt hät nume Problem, so stahts ide Zitig
Hänged doch alli nur ume und ich han no sovill Termin hüt

Yoga uf Deck 7, nachem Squash is Casino, mues meh günne
Dinner isch Gala und Fusel mues sprudle, ich will drin schwümme

[Chorus]
Korke flüügt, ich heb mis Glas ue
Kapelle spillt Hits für de Ballroom
Gsellschaft die besti, Welt die Ersti, Rundi nie die letzti
Korke flüügt, ich heb mis Glas ue
Kapelle spillt Hits für de Ballroom
Gsellschaft die besti, Schwanke heftig, Rundi nie die letzti

[Verse 2]
Sitze am Pool ufem oberste Deck au wenn Rugge scho rot isch
Gseh es Pflaster am schaukle im Wasser und Sunnecreme wo sich mit Chlor mischt
Mache sit Jahre nur das woni wett, nänned mers Fortschritt
Suffe un frisse chli meh als i sött, wills Buffet ja voll isch
Und ich fühle mit allne wo weniger händ aber bliib immer modisch
Ich weiss s’Läbe isch dreckig wie s’Wasser wo hinter mim Boot isch
Selber nüt vorig, Sehnsucht tropisch, Alltag nordisch
Troim vo de Suite aber Koje isch durchschnitt, Ufstiig utopisch

Yoga uf Deck 7, nachem Squash is Casino, mues meh günne
Dinner isch Gala und Fusel mues sprudle, ich will drin schwümme

[Chorus]
Korke flüügt, ich heb mis Glas ue
Kapelle spillt Hits für de Ballroom
Gsellschaft die besti, Welt die Ersti, Rundi nie die letzti
Korke flüügt, ich heb mis Glas ue
Kapelle spillt Hits für de Ballroom
Gsellschaft die besti, Schwanke heftig, Rundi nie die letzti

[Verse 3]
Ah ha, yeah, ah ha, yeah
Ah ha, yeah, ah ha
Und ich chotz über d’Reling vom oberste Deck will i eigentlich tot bin
Innerlich leer aber volle mit Schrott, verstopft wie de Nordring
Han die ganz Wält scho gseh vo mim Schiff us aber weiss dasi hinterem Mond bin
Wett scho lang mal e weg vo dem Kahn aber wo gits denn besseri Longdrinks
Captain halted e Red weg Grücht wo säged dass s’Boot sinkt
Seit es isch zu gross zum kentere und dass de Iisberg ja sowieso schmilzt
Stahl nur chli rostig, neue Astrich s’nächstmal wämmer im Dock sind
Ich nimm nomal eine, luege is Meer use, singe in Chopfstimm

Ich gseh nüm so guet aber s’System isch uf Kurs
Volli Fahrt mit 88’000 PS vorus
Ich gseh nüm so guet aber s’System isch uf Kurs
Ohni Halt mit 88’000 PS vorus
Ich gseh nüm so guet aber s’System isch uf Kurs
Volli Fahrt mit 88’000 PS vorus

Ah ha, ah ha, ah ha, ah ha
Ah ha, ah ha, ah ha, ah ha

A B C D E F G H I J K L M N O P Q R S T U V W X Y Z #


All lyrics are property and copyright of their owners. All lyrics provided for educational purposes and personal use only.
Copyright © 2017-2019 Lyrics.lol