[Paroles de Psyco-M "Piranha | كلمات بسيكو-آم "بيرانا'']

[المقطع الأول]
مخاخنا فالكتب، دونتنا فالحوم (دونتنا فالحوم)
في بلاد شاحت كي الصحراء، كل الحنوشة بالسم (كل الحنوشة بالسم)
العبد لي تربى بيناتهم كير مع الوقت فهم
لي فعروقهم جدم، لي في عروقهم غرهم
عباد كيما الفوتور لي تهبط مالسماء و على الجيفة تتلم
كيما البيرانا، لي تشم ريحة الدم
لازمك كاتانا في بلاصت القلم
بوليس و إهانة في بلاد كي الزنزانة و الظالم لي حكم
الواحد مسلسل و عايش في حبس و كاره الدولة لي حطت القيود
نعيشو مع عباد لي تصلي و تصوم من برا الإسلام و مالداخل يهود
نعيشو بينات لي سرق و لي نهب و لي خان و لي ظلم و لي طحن و غدر
نعيشو بينات لي على الدنيا كلب و لي ماسكا و كذب وين الطحين يتنشر
غادي في كوبة عندههم البيضة احنا لهنا عندنا الطحين لي يتسربى
هوني القلوب مريضة وين الأصحاب لي تجي منهم الضربة
عباد كيما الوحوش من برا تتبسم و قلوبهم محلبة
نص شايخ مفسخ و نص لي بقى هوني يخمم فالهربة

[اللازمة]
حنوشة و ذيوبة لهنا يعيشو معانا
الأبواب لكوبة في بلاد كيما الزنزانة
هوني الكلاب بالمخالب و الأنياب تنهش ورانا
نهارت لي طيح ياكلوك كيما البيرانا
بيرانا .. بيرانا .. بيرانا .. بيرانا .. بيرانا .. بيرانا
بيرانا .. بيرانا .. بيرانا .. بيرانا .. بيرانا .. بيرانا
بيرانا .. بيرانا .. بيرانا .. بيرانا .. بيرانا .. بيرانا
نهارت لي طيح ياكلوك كيما البيرانا
[المقطع الثاني]
تربينا فالزناقي أما مخاخنا متعلمة
تجيهم كي الصدمة كي تشد الستيلو و تحارب بالكلمة
طفاو الضوء هوني الثقافة و الوزارة مظلمة
راب بلا ورق أما تشوفو يتعدى كي الماكينة مقلمة
توتي بارمي، باش توصل للكاليتي
ياكلوك كيما البيرانا ملا فوك لا فراتارنيتي
هوني تقدر تلحس تقحف فالدم ف لي دونتيتي
كي طيح بيك و تكلم صحابك ف ؟؟ و مافماش ايتوناليتي
كي تحب تعيش راجل في بلاد المصالح الأبواب تتسد
نهارت لي طيح هوني كلها تتفرج لا يد لي تتمد
وينهم لي كانو قراب، وقت لي طيح الكل تولي تجس
املا نهارت لي نقوم اليد لي تتمد، تتقص
كلها تتبسم تضحك في وجهك قلوبهم مالداخل كحلة كي الفحمة
عدينا حياتنا ظلم فقر، نهارت لي حلت حسدونا كي فرحنا
يحبوك في محنة تقطعت الرحمة، كي الكلاب مكلوبة تتعارك على اللحمة
لازمهم شوتغان كرتوشة في قلوبهم وحدها ترتحنا

[اللازمة]
حنوشة و ذيوبة لهنا يعيشو معانا
الأبواب لكوبة في بلاد كيما الزنزانة
هوني الكلاب بالمخالب و الأنياب تنهش ورانا
نهارت لي طيح ياكلوك كيما البيرانا
بيرانا .. بيرانا .. بيرانا .. بيرانا .. بيرانا .. بيرانا
بيرانا .. بيرانا .. بيرانا .. بيرانا .. بيرانا .. بيرانا
بيرانا .. بيرانا .. بيرانا .. بيرانا .. بيرانا .. بيرانا
نهارت لي طيح ياكلوك كيما البيرانا