Aeyz Nekoun - عايز نكون

[المقطع الأول]
إقلع نضارتك وإنسى اللي كان
إفهم وإسمع أحلى الكلام
حال البلد وتاريخنا اللي إنقلب
الهرم إنسرق والجهل إتولد
حكينا كتير كلام مالوش معنى
وأخر أفراحنا كانت أيام الفراعنة

[اللازمة]
عايزين نعيش الحياة
والأمان اللي راح
عايزين نعيش الحياة
والأمان اللي راح

[المقطع الثاني]
العلم راح ويا اللي راح
والمخ إرتاح والكيف سواح
حللنا الخمرة، حرمنا الدخان
أخدنا الفلوس من الشعب الغلبان
حبسنا الحرامي وهربنا السجان
ونسينا إخواتنا في القدس ولبنان

[اللازمة]
عايزين نعيش الحياة
والأمان اللي راح
عايزين نعيش الحياة
والأمان اللي راح
[المقطع الثالث]
كفاية شعارات وكلام فاضي
أعدوا العدة ويلا نرجع الماضي
العالم كله إتجمع وإحنا إتفرقنا
والصورة بقت بهتانة ونسينا جيراننا
ضاعت أحلامنا ودخلنا في متاهات
وجيران جيراننا خايفين على القرشينات

[اللازمة]
عايزين نكون الحياة
والأمان اللي راح
عايزين نكون الحياة
والأمان اللي راح