[المقطع الأول: أمير عيد وطارق الشيخ]
يخرب بيتك يا كيف ويخرب بيت معرفتك
صحيح دمك خفيف بس يا ريتني ما عرفتك
في الأول كنت تمام بتدوس على الأحزان
دلوقتي أنا هربان من نفسي والأيام
يخرب بيتك يا كيف عشمتني وفلّقت
عايش في الدنيا طيف وماليش فيها حد
في واحد إبن حرام قاعد جوّة نفوخي
واحد كله إجرام آه منه، آه يا خوفي

[اللازمة: أمير عيد وطارق الشيخ]
وسيجارة جابت جوان وجوان جاب حباية
حباية جابت شريط وإنتهت الحكاية
وسيجارة جابت جوان وجوان جاب حباية
حباية جابت شريط وإنتهت الحكاية

[بعد اللازمة: طارق الشيخ]
من يومها وأنا، أنا مش أنا
الناس راحت هناك وأنا مرمي هنا

[المقطع الثاني: طارق الشيخ وأمير عيد]
يخرب بيتك يا كيف يا معيشني في مذلّة
في بعدك مش عارف أعيش ولا عارف أتهنّى
نايم في سابع نومة وداخل في كوما
خلصانة ومش باينلي قومة
يخرب بيتك يا كيف ويخرب بيت أيامك
يا ريتني سمعت الناس وما سمعتش كلامك
إجبر بخاطري يا زمن وإديلي لمسة حنان
وإفردلي ضهري اللي إتقطم، رجعني زي زمان
[اللازمة: أمير عيد وطارق الشيخ]
وسيجارة جابت جوان وجوان جاب حباية
حباية جابت شريط وإنتهت الحكاية
وسيجارة جابت جوان وجوان جاب حباية
حباية جابت شريط وإنتهت الحكاية

[بعد اللازمة: أمير عيد]
من يومها وأنا، أنا مش أنا
الناس راحت هناك وأنا مرمي هنا

[جسر: طارق الشيخ]
يا ليلي يا يا ليلي يا ليلي يا يا يا ليل
يا يا ليل يا ليل يا ليل

[اللازمة: أمير عيد وطارق الشيخ]
وسيجارة جابت جوان وجوان جاب حباية
حباية جابت شريط وإنتهت الحكاية
وسيجارة جابت جوان وجوان جاب حباية
حباية جابت شريط وإنتهت الحكاية