[المقطع الاول]
نفس المكان بس اليوم جديد
نفس الحفلة وأنا كالعادة وحيد
نفس البنات والحكايات
مع إختلاف الأسماء
مزيكا بترقص
زحمة تفطس
والناس على بعضيها بتبصبص
ده بينفسن
دي بتلسّن
والجو مكهرب ومتنشن
دخلت واحدة شكلها غيرهم
باين أوي إنها مش منهم
أجمل واحدة من غير مجهود
لابسة عادي وشعرها مربوط

[اللازمة]
مربوط بأستك وسط ناس بلاستيك
كله عامل فيها مِستر بومباستيك
مربوط بأستك وسط ناس بلاستيك
كله عامل فيها مِستر بومباستيك

[المقطع الثاني]
عيني جت في عينيها وحصل زلزال
وشبطت فيها زي العيال
بس العيال كتيرة وبيسفوا وبيعاكسوها
ويستفزوا ومع المزيكا بيهزوا
اللي ضرب شوتين والجرأة سايقاه
واللي شدّ لاينين والثقة واخداه
هدوم غالية وناس رخيصة
وكلّه هايص أكيد في الهيصة
عيني جت فى عينيها من جديد
إتكسفت بصّت بعيد
حصلت مفاجأة
فكت شعرها فجأة
وسط المكان
بعد ما كان
[اللازمة]
مربوط بأستك وسط ناس بلاستيك
كله عامل فيها مِستر بومباستيك
مربوط بأستك وسط ناس بلاستيك
كله عامل فيها مِستر بومباستيك[اللازمة]

[جسر]
حاولت أفتح كلام معاها لكن تنحت
بصتلي بإحتقار من فوق لتحت
قلتلها أنا غيرهم
أنا مش منهم
وأتاري امفيش فرق بيني وبينهم

[اللازمة]
مربوط بأستك وسط ناس بلاستيك
كله عامل فيها مِستر بومباستيك
مربوط بأستك وسط ناس بلاستيك
كله عامل فيها مِستر بومباستيك[اللازمة]