[المقطع الأول]
عن موضوع الفول واللحمة
صرح مصدر قال مسئول
إن الطب إتقدم جداً
والدكتور محسن بيقول
إن الشعب المصرى عموماً
من مصلحته يقرقش فول
حيث الفول المصرى عموماً
يجعل من البني آدم غول
تاكل فخدة في ربع زكيبة
والدكتور محسن مسئول
يديك طاقة وقوة عجيبة
تسمن جداً تبقى مهوول

[المقطع الثاني]
ثم أضاف الدكتور محسن
إن اللحمة دي سم أكيد
بتزود أوجاع المعدة
وتعود على طولة الأيد
واللي بياكلوا اللحمة عموماً
هيخشوا جهنم تأبيد
تأبيد

[المقطع الثالث]
يا دكتور محسن يا مزقلط
يا مصدر يا غير مسئول
حيث إن إنتو عقول العالم
والعالم محتاج لعقول
برأي جنابك وجنابهم
في واحد مجنون بيقول
إحنا سيبونا نموت باللحمة
وإنتو تعيشوا وتاكلوا الفول
برأيك يا كابتن محسن
مش بالذمة كلام معقول
[النهاية]
عن موضوع الفول واللحمة
عن موضوع الفول واللحمة
عن موضوع الفول واللحمة
عن موضوع الفول واللحمة