[المقطع الأول]
عسكري تعبان وفي بقه لبانة
يتدارى في مدفع إبن الجبانة
يقتل أطفال يقتل ستات
وبيوت تنهد وإنفجارات
وعيل صغير واقف بطوبة
وبت مجدع وواد رجولة
مرفوع الراس عايش وبايع
يصرخ من الجوع وما حدش سامع

[اللازمة]
وتجري الأيام وتعدي
ووقت الزنقة تقف وتهدي
وتجري الأيام وتعدي
ووقت الزنقة تقف الأيام
الأيام

[المقطع الثاني]
أخبار أهرام كتبوها الساسة
كلام متزوق مالوش أساسة
خايفين على الكرسي وعلى المكان
ما بقاش يهم الحق يبان
والكل شايف بعينيه
الحق مات وإنداس عليه
وأخينا المظلوم واقف مستني
حقه المهضوم يرجع من تاني
[اللازمة]
وتجري الأيام وتعدي
ووقت الزنقة تقف وتهدي
وتجري الأيام وتعدي
ووقت الزنقة تقف الأيام
الأيام