[اللازمة]
يا دبايلي أنا و على زبانة
يا دبايلي أنا على وليدات بلادنا

[المقطع الأول]
بطل وهراني، أسمر قمحاني
سيفه يماني، بيّض تاريخنا
روحي فداه، قلبي يهواه
شبّان معاه قهرو عدياننا

[اللازمة]
يا دبايلي أنا و على زبانة
يا دبايلي أنا حميدة زبانة

[المقطع الثاني]
نبنيه تمثال في سيدي بلال
بنساء ورجال في وسط بلادنا
بالذهب نطليه، بالجوهر عينيه
تحمل يديه سلاح جهادنا

[اللازمة]
يا دبايلي أنا و على زبانة
يا دبايلي أنا و على زبانة

[المقطع الثالث]
صوت الكفاح اسمع و راح
بكّر بالسلاح و مشى بالڤانة
سالو المهاجة على الغار وين تا
كانو فرّاجة و العديان حيرانة
[اللازمة]
يا دبايلي أنا و على زبانة
يا دبايلي أنا و على زبانة

[المقطع الرابع]
و على الجزاير حاصروه العساكر
ماهوش حاير قال لهم: أنا
أنا نحميها بعيني نفديها
باغي نهديها و نمشي للفنا

[اللازمة]
يا دبايلي أنا و على زبانة
يا دبايلي أنا و على زبانة

[المقطع الخامس]
الشدّة في الله و الخوف علاه
روحي لله وهبة لثورتنا
يا عودي غنّي، مانيش مهنّي
و ابكي يا لحني تاريخ اصحابنا

[اللازمة]
يا دبايلي أنا و على زبانة
يا دبايلي أنا و على زبانة