Ich kannt ene Jung, de Herkenraths Fuss
Dä dät verticke watimmer du bruchs
Hä daach hä wär dä modernste in dr Stadt
Doch letzte Woch do hoot ich
Et wööd für ihn bedrohlich
Hä hat sich mit de Falsche anjelaat

Un jetz setz hä em Bau
Un jetz setz hä em Bau
Un ich han ihm noch jerode
Mach höösch, die rüche sons de Brode
Un jetz setz hä em Bau

Hä hat et ävver och üvverdrivve
Un wohr sich schwer am üvverhevve
Wollt raffe un trock jede övver de Desch
Un dann hoht mr ihn nur noch prahle
Dabei kunnt he janix mehr bezahle
Un dät am Engk selvs jläuve wat hä lüüch

Un jetz setz hä em Bau
Un jetz setz hä em Bau
Un ich han ihm noch jerode
Mach höösch, die rüche sons de Brode
Un jetz setz hä em Bau
Un dat Eng vun däm Jedeech
'Sch moot wejen em vor Jereech
Als Zeuje un ich saat für de Rechtsanwalt
"Misjö ich achte de Jesetze
Un dat heis ich dunn nit pätze"
Un so han ich dene jät vum Pääd verzallt

Jetz setz ich och em Bau
Jetz setz ich och em Bau
Un ich saje för de Richtersmann
"Jung, ich muss ne Zell mit Domblick hann"
Jetz setz ich och em Bau
Un ich saje för de Richtersmann
"Jung, ich muss ne Zell mit Domblick hann"
Jetz setz ich och em Bau