Kaiko’o ka moana kā i lana nei Hawai’i

Nāueue a hālulu ka honua a Haumea

Nākulukulu e ka lani ki’eki’e kau mai i luna

Auē ke aloha ‘ole a ka malihini



*Ho’ōho:

Kū ha’aheo e ku’u Hawai’i

Mamaka kaua o ku’u ‘āina

‘O ke ehu kakahiaka o nā ‘ōiwi o Hawai’i nei

No ku’u lahui e hā’awi pau a i ola mau



Auhea wale ‘oukou pū’ali koa o Keawe

Me ko Kamalālāwalu la me Kākuhihewa
‘Alu mai pualu mai me ko Manokalanipō

Ka’i mai ana me nā kama a Kahelelani



E nāue imua e nā poki’i a e inu wai ‘awa’awa

E wiwo’ole a ho’okūpa’a ‘a’ohe hope e ho’i mai ai

A na’i wale nō kākou kaukoe mau i ke ala

Auē ke aloha ‘ole a ka malihini



E lei mau i lei mau kākou e nā mamo aloha

I lei wehi ‘a’ali’i wehi nani o ku’u ‘āina

Hoe a mau hoe a mau no ka pono sivila

A ho’iho’i hou ‘ia mai ke kū’oko’a