D'ereignis überschlönd sich, aber ebe mer gwöhnt sich
A die headlines und deadlines, da mer jo verwöhnt isch
Wie isch dänn d prognose ich schtell e diagnose
Liide undere akute globalisierigsneurose
Alles isch synthetisch und hüüchlerisch
Wemmer numme gseht, merkt mer nöd, wie tüüf mer isch
Sie isch so trügerisch, die rueh vorem sturm isch scho lang verbii
Und jätz wos so schtürmisch isch
Frögt mer sich wies det isch gsii

Wer isch dänn tschuld, und wer hätt verseit
Es xeet doch so us wie wenn die ganz wält duere treit
Viili offni frage wie isches nur so wiit cho
Uf direktem wäg verbii am paradies am eldorado

Uf dr suechi nach em neue eldorado
Simmer irgendwo im nirgendwo
Und niemerd weiss wieso
Mir sueched planlos und ratlos
En uswäg us dem chaos
De wäg is paradies is eldorado

Vor millione vo jahre, bimene urknall im weltall
Entstaht dur en unfall en unbewohnte erdball
Hüt läbed mir uf däm, sozäge zur mieti
Doch benähmed ois wie wenns um oisis eigetum giengt
Me mached technischi fortschritt ohni rücksicht uf verluscht
Nur mänschlichi rückschritt passiered unbewusst
So finde mer immer s gägetail vo oisem seeleheil
Und zerleged grossi wünsch, i chlini einzelteil
Also fertig mit sälbschtbschiss und kompromiss
Wämer wüssed was mer wänd, wüssed mer wos z finde isch
Mer bruched nur geduld und de wille zum achoo
Immer wiiter ziel vora ufem wäg is eldorado

Uf dr suechi nach em neue eldorado
Simmer irgendwo im nirgendwo
Und niemerd weiss wieso
Mir sueched planlos und ratlos
En uswäg us dem chaos
De wäg is paradies is eldorado