[Intro]
Yo, ghetto yute haffi mek it in life, no matta weh dem do
Di best come from di worst
Today fi you, tomorrow fi mi
Ah di Teacha

[Verse 1]
Mi neva know mi woulda buss
From mi and mummy used to tek di bus from Third World
Mi neva know mi woulda lock di first world
Wid new style and new flows
Like weh Pac seh, "Who knows?" (Who knows?)
Di Bimma, di Lexus, di new Rolls
Mi a pree from likkle pickney days inna school clothes
When mi shoes did tear out, yuh coulda see a few toes
Mi house pack and leaking, di house stop, we sleeping wid house rat
We bounce back when mi daddy announce dat
We movin' to Portmore, di sunshine, di seashore
It still better, but mi still a pree more from long time
Mi start par a Borderline and mix guns and weed selling
Thugs tings fi keep mi cornered, hype up and sweet-smelling
Cops corralling, yelling, "Don't move!", we won't prove
Dem lock we up, we get bail, next day, we set sail
Like big ship, same stuff, we madda seh we name cruff
But still remain tuff, 'cah better must come
[Interlude]
Yo, Jah know, Stephen
Yo, mi a likkle yute, star
Mi fadda did have a sound, yuh see weh mi a seh?
A likkle component set still, and
As a yute, mi usually watch all mi uncle dem deejay pon it and ting, and
Yuh zimmi? Bare big man and dem deh deh and a bun all dem weed and dem ting deh
As a likkle yute, dawg
Yo, mi nuh know, mi just- mi just wish mi coulda be like dem
Yuh zimmi?

[Verse 2]
Mi neva know mi woulda buss
And thugs a seh, "Addi di dadda"
See it deh, it feel good fi buy a house fi mi madda
When mi son have birthdays, anything him want, him get
Anuh nutn', when mi a yute, a backstroke mi used to mek
Me used to haffi beg a spliff, a wrizzla, a cigarette
If mi nuh hustle a road, I could not go home yet
Mi neva pree fi own car, mi own home, mi own jet
Dutty chat weh mouth mek, mek mi nuh see outlet
Inna di suffer and di hunger
A police name "Blood" wah kill mi when mi younger
Him hear mi have a gun weh roll thunder
Circle mi fi murda mi, but God seh a neva fi mi number
Mi used to pray to fadda God a nighttime fi mek mi parents dem live fi see Addi tun somebody
Mi love mommy, mi love daddy
Same love mi gi' to Rahiem, and Jahiem and Shahiem
Mi a mi son's daddy
[Interlude]
Yo, big man ting still
Buju Banton, first time mi go studio and hear da yute deh
Mi check seh a deso deejay ting buck
Me'd a put dung artist ting, man, cah mi nah lie
All a next time too
Yo, all some bwoy a Waterford, yuh see da pussy deh
True Warrior King and dem yute deh buss before mi
Di bwoy dem seh, "Oh, Addi a iron balloon, man, worthless" yuh zimmi?
A deal wid man like, like man a fool

[Verse 3]
Mi neva know mi woulda buss
2k2 was the year
A great joy fi hear, "Kartel have career!"
Like trailer, mi change gear, better each lyric
When mi 'memba people used to seh, "Yuh nah buss, yah gimmick"
Dem affi watch mi now pon dem TV
Or pay fi see me, my presence nuh free
Nuff girls used to call Addi "iron ballon"
Now mi walkin 'pon dem like floor in a room
The first police weh lock mi up fi disrespect, mi was a joy
Ask me weh mi do, mi seh, "Artist", him seh mi unemployed
Lock me up, mi nuh have no lawyer, so a jail mi sleep inna
Now mi pass him inna di Bimma, who a di man, who a di boy?
No matter who yuh is, where yuh from, who yuh are
Ghetto yute, we need money, nuff house and nuff car
From yuh black, you a n***a, every n***a is a star
Who nuh like dat, drop a sleep
[Outro]
Yeah man, from mi link Butler and ting, and, yuh zimmi
Mek mi know Killer, and yuh done know, from deso, man ting tek off straight
We nah guh 'round
Yeah man, so dats why we as a yute, we nuh badmind nuh man
Yuh zimmi, cah di gold deh out deh fi every man, b
Nuh matta weh yuh do, artist, sportsman
Yuh haffi just put yuh head focus, like a camera