"كلمات دحمان الحراشي "الحركة والسكون
اضغط هنا لقراءة المزيد من كلمات وقصائد الشعبي الجزائري[اللازمة : بصوت دحمان الحرّاشي]
الحركة والسكون إلا بإذن الله
و البركة فيك تكون كي تستقنع باللي عطاك
والستر عليك يدوم وكي تدعي قول إن شاء الله

[الجزء الأول]
بيبان الله كثير كلش عندو ساهل
يرزق عبدو بالخير ويعلم فالقلب الداخل
ما تتنوى ما تحير ما تكونش تاني جاهل
ما تديري واش يصير والفاهم ديما عاقل
ما بين الكاف والنون يفتح ربي برضاه
ولو تكون وين تكون
مريّح والا في شقاك البارح ماشي كي اليوم
و غدو نهار يجيب خيرو معاه

[اللازمة]
الحركة والسكون إلا بإذن الله
و البركة فيك تكون كي تستقنع باللي عطاك
والستر عليك يدوم وكي تدعي قول إن شاء الله

[الجزء الثاني]
مع القدرة واش تدير والزمان فيك يقابل
ماعندك باش تطير كونك فاهم و عاقل
فضل الإله كبير بلاك تنسى يا غافل
على كلش قدير و يسلك اللي حاصل
البركة في القليل الناس بها تتماثل
اتقنع القليل و اللي هو يستاهل
يا النايم فيق و قوم وشكر الله بالخير اللي عطاه
[اللازمة]
الحركة والسكون إلا بإذن الله
و البركة فيك تكون كي تستقنع باللي عطاك
والستر عليك يدوم وكي تدعي قول إن شاء الله

[الجزء الثالث]
يا ربي يا الحنين نحيلي ضيقت الخاطر
يزهى قلبي فالحين ترزقني باللي حاضر
الا تبغي يا الكريم انت عندك كلش ساهل
سبحان الله العظيم اللي في ملكو يأمر
نطلبك يا الجليل في قلبي راني صابر
نطلبك طول اليل و فكري ديما معاك
هكذا وعدي مخدوم و المكتوب هكذا ما لقيتلو دواه

[اللازمة]
الحركة والسكون إلا بإذن الله
و البركة فيك تكون كي تستقنع باللي عطاك
والستر عليك يدوم وكي تدعي قول إن شاء الله

[اللازمة : بصوت دحمان الحرّاشي]
الحركة والسكون إلا بإذن الله
و البركة فيك تكون كي تستقنع باللي عطاك
والستر عليك يدوم وكي تدعي قول إن شاء الله