"كلمات دحمان الحراشي "يانكارة الملح والطعام
اضغط هنا لقراءة المزيد من كلمات وقصائد الشعبي الجزائرياللي حبكم علاش تخليوه يموت
طال في مرضو لا بغى ينساكُوم
يجي لباب داركم يطلب في القُوت
لا طعمتوه ولا سقيتوه ماكُوم
هذا حال العاشق ديما يتبع في هواكُوم

يا نكارة الملح والطعام
علاش عليك بالجهر هذا الشي محال
انسيتي العشرة مع السفر
أنا وياك مشينا حتى عيينا

بديناها من الغرب للقصر
جلفة لغواط بوسعادة لمسيلة
ناسهم كي ناس الحضر
على البارود والنسا بتولويلة
زدنا على بلاد العشر
بجاية وسطيف والخروب وقسنطينة
هاذوك هوما ناس الوتر
والمسافر اللي جايز عندو قيمة

يا نكارة الملح والطعام
علاش عليك بالجهر هذا الشي محال
انسيتي العشرة مع السفر
أنا وياك مشينا حتى عيينا
مشينا من تم بالخبر
في تبسة سكيكدة وفي عنابة تهاوينا
تمة تمنيتي قصر
غير المكتوب ما قدّرشي علينا
الحقنا لبلاد الرسم
تلمسان وهرن لمستغانم الزينة
حطتهم تحت الكرم
والعرضة عندهم غير بالتحليلة

يا نكارة الملح والطعام
علاش عليك بالجهر هذا الشي محال
انسيتي العشرة مع السفر
أنا وياك مشينا حتى عيينا

الحقنا لبلاد البحر
البهجة بيضة شفناها وحيينا
على الرملة والقمر
فرح قلبك بين ميل التبسيمة
قعدنا في سيدي فرج
سميشة باهية والقيطون فيه قليلة
البابور من المرسى خرج
شوف ذاك الزمان كي تفكرت الليلة

يا نكارة الملح والطعام
علاش عليك بالجهر هذا الشي محال
انسيتي العشرة مع السفر
أنا وياك مشينا حتى عيينا
بالعود والطار والرباب
واستخبارات على هواهم زهينا
ياك تمة قلبك ذاب
يا خي حطات كانوا في ذيك المدينة
طبسي واحد بالمعاش
مغيرفة وحدة والبركة تكفينا
نايضة الصبحة من الفراش
صبتي القهوة بالزهر والما تشينة

يا نكارة الملح والطعام
علاش عليك بالجهر هذا الشي محال
انسيتي العشرة مع السفر
أنا وياك مشينا حتى عيينا

يا نكارة الملح والطعام
علاش عليك بالجهر هذا الشي محال
انسيتي العشرة مع السفر
أنا وياك مشينا حتى عيينا