"كلمات دحمان الحراشي "لي يدي حق الناس
اضغط هنا لقراءة المزيد من كلمات وقصائد الشعبي الجزائري


لي يدي حق الناس ما يتهنى ماهو لاباس
تخمامو ما يخلاص متحير حالتو في حالة
تخمامو ما يخلاص متحير حالتو في حالة

نوصيك ياوليد الناس ننصحك خوذ طريق قبالة
الوقت راهو عسّاس والزمان مطوّع رجالة
كونك فاهم قيّاس إلا فهمت كلام العُقالة
الغالط عقلو غاس ما قرا في قلبو البسمالة

لي يدي حق الناس ما يتهنى ماهو لاباس
تخمامو ما يخلاص متحير حالتو في حالة
تخمامو ما يخلاص متحير حالتو في حالة

لي يبني دار الساس ولي يعمل خير ما يقولشي لالا
ولي يقطع الياس نيتو في ذاتو مدبالة
لي فيه الوسواس تقول طاح في الشبكة الخبالة
الله يجعل حد الباس والعفو من ربنا تعالى

لي يدي حق الناس ما يتهنى ماهو لاباس
تخمامو ما يخلاص متحير حالتو في حالة
تخمامو ما يخلاص متحير حالتو في حالة
هذا كلامي للناس نعيدلك يا لي شاري دالة
الغالي علاش رخاص عاد محقور بين الرجالة
الذهب غالي على النحاس حتى الحر ما ينباع في الدلالة
الكريم هو الخلاص والخبر يجيبوه التوالة

لي يدي حق الناس ما يتهنى ماهو لاباس
تخمامو ما يخلاص متحير حالتو في حالة
تخمامو ما يخلاص متحير حالتو في حالة

الحق عليه النورغير الباطل يقهر من والة
بنادم علاش يدور في كلامو صلاتو بطالة
يشهد شهادة الزور ما يخاف ما يقادر سلالة
غارق في وسط البحور كيما غرقوا ذوك الجُهالة