"كلمات دحمان الحراشي "يا ربي يا ستار
اضغط هنا لقراءة المزيد من كلمات وقصائد الشعبي الجزائرييا ربّي يا ستّار وسترني من العبد الغدّار
يا ربّي يا ستّار وسترني من العبد الغدّار
تبّعتو لباب الدار شافني وحكالي ما صار
وجهو دايما مصفار ما بقالو حبيب ولا جار

الّي تصيبو مستور هذاك خاطي من القيل والقال
على الإحسان يدور ما يستغل بواحد مُحال
ماتصيبو لا هدّار ما يصمّط ماهو حڨار
ماهو تاني مغيار شحال عاقل ظريف وصبار
ذاك السيد عيّار ياك قالوها كبار وصغار

يا ربّي يا ستّار وسترني من العبد الغدّار
يا ربّي يا ستّار وسترني من العبد الغدّار
تبّعتو لباب الدار شافني وحكالي ما صار
وجهو دايما مصفار ما بقالو حبيب ولا جار

الّي قلبو أكحل الناس الكل ردّو عليه البال
تصيبو ديما راحل بين الأمّة دار المحال
لسانو كيف المنشار مع صحابو ولّى صمصار
عينيه تقول فنار في كل حومة داير العار
ماذا جرّع مرار شوف وجهو يعطيك خبار

يا ربّي يا ستّار وسترني من العبد الغدّار
يا ربّي يا ستّار وسترني من العبد الغدّار
تبّعتو لباب الدار شافني وحكالي ما صار
وجهو دايما مصفار ما بقالو حبيب ولا جار
الّي قلبو أبيض ما يخافشي تقولشي سلطان
من الاتنين حتى الاحد كل يوم تصيبو فرحان
يحمد ربنا الغفّار لي عطالو ما بقى يختار
ولو يخدم جزّار في حياتو ولا بڨّار
قالوا عليه فالدّوار داك السيد ماهو مشرار

يا ربّي يا ستّار وسترني من العبد الغدّار
يا ربّي يا ستّار وسترني من العبد الغدّار
تبّعتو لباب الدار شافني وحكالي ما صار
وجهو دايما مصفار ما بقالو حبيب ولا جار

ألي سعدو مكحوس كي استغنى ولّى حمال
رْجع كلامو مسّوس كي زلط ما عندوش المال
ماعرفتو لا قمّار واش جرالو ولا خمّار
والو عندو مليار كلشي رايح فالغبّار
الله يعفو يا حدار والصلاة على النبي المختار

يا ربّي يا ستّار وسترني من العبد الغدّار
يا ربّي يا ستّار وسترني من العبد الغدّار
تبّعتو لباب الدار شافني وحكالي ما صار
وجهو دايما مصفار ما بقالو حبيب ولا جار