Dahmane El Harrachi - دحمان الحرّاشي
Mazelna hna hayine | مازالنا حنا حيين
"كلمات دحمان الحراشي " مازالنا حنا حيين
اضغط هنا لقراءة المزيد من كلمات وقصائد الشعبي الجزائري
مازالنا حنا حيين ونتوما قلتو ماتو
الله يحفضنا مالعين والله يستر اماتو
مازالنا حنا حيين ونتوما قلتو ماتو
الله يحفضنا مالعين والله يستر اماتو
يدعو يقولو آمين قراو الفال بسوراتو
لي يعاشرهم عامين ينسى صيامو وصلاتو
ماشي واحد ولا تنين واحد تقولشي بوڨاطو
لاخر تقولشي سكين لاخر سم في شوكاتو
مازلنا حنا حيين ونتوما قلتو ماتو
الله يحفضنا مالعين والله يستر اماتو
مازالنا حنا حيين ونتوما قلتو ماتو
الله يحفضنا مالعين والله يستر اماتو
علاش الناس هدارين غير لي يحكي بحياتو
واحد خارج مالدين لاخر بدل صفاتو
والدنيا يا سامعين كل واحد واش عطاتو
واحد حاير مسكين لاخر فارح زهاتو
مازلنا حنا حيين ونتوما قلتو ماتو
الله يحفضنا مالعين ولله يستر اماتو
مازلنا حنا حيين ونتوما قلتو ماتو
الله يحفضنا مالعين والله يستر اماتو
الڨبيح ردوه حسين والمليح قلبوه صباطو
قراو عليه سورة ياسين تقولشي قلب لي فاتو
مالك يا قلبي حزين لي كاتبة عليه لحقاتو
ولي كاتبة فالجبين نزلت عليه وجاتو
مازلنا حنا حيين ونتوما قلتو ماتو
الله يحفضنا مالعين والله يستر اماتو
مازلنا حنا حيين ونتوما قلتو ماتو
الله يحفضنا مالعين ولله يستر اماتو
قالوا ناس لولين لي سمع كلمة وبكاتو
يفهم روحو فالحين هذاك يماه ولداتو
وليد الأصل رزين والحرطاني بنشعاتو
يحلفلك بالستين ماصفاش حتى في ذاتو
مازلنا حنا حيين ونتوما قلتو ماتو
الله يحفضنا مالعين والله يستر اماتو
مازالنا حنا حيين ونتوما قلتو ماتو
الله يحفضنا مالعين والله يستر اماتو
