"كلمات دحمان الحراشي "لي مابغى يبغيني
اضغط هنا لقراءة المزيد من كلمات وقصائد الشعبي الجزائري

لي مابغى يبغيني ننساه ولا نعاندو
ماشاف حالتي قلبي يا مڨواه ما وفاش عاهدو
أنا في هوايا هو في هواه راني مباعدو
حتى أنا راني مباعدو

لي مابغى يبغيني ننساه
ماشاف حالتي قلبي يا مڨواه (ما وفاش عاهدو)
أنا في هوايا هو في هواه (راني مباعدو)
حتى أنا راني مباعدو

قلبو قسيح وحلفلي يا مانلقاه
وأنا معاه صافي او ربي راه شاهدو
جرحي ما برى ما نلقاش دواه
نستهل كيتي كنيت كأنه عابدو
لوكان مادريتو ليا نسعاه
مانشوف في خيالو في كتابو قريت حافظو
نخلي البير راه مغطي بغطاه
ماعرفتش لاش ناشف ولا عطشان راه قاصدو
هذا الغرام راه داني وداه
رفدني ورافدو برياحو رفدني ورافدو

لي مابغى يبغيني ننساه (ولا نعاندو)
ماشاف حالتي قلبي يا مڨواه (ما وفاش عاهدو)
أنا في هوايا هو في هواه (راني مباعدو)
حتى أنا راني مباعدو
علاش غاب نور هلالي في سماه
و النجوم ما بغاو يبانو ولا تاحدو
بحر الغميق ما ندخلشي في ماه
نقرى معاه حذري والنجبة لي نجردو
هربت من طريقو صرفت بلاه
هو لي بغى من عندي الله يساعدو
هو ما هواني وأنا نهواه
و الضر لي بلاني ساكن جسمي مخلوضو
حتى في منامي نجري موراه
ماني غايضو يفهمني وماني غايضو

لي مابغى يبغيني ننساه (ولا نعاندو)
ماشاف حالتي قلبي يا مڨواه (ما وفاش عاهدو)
أنا في هوايا هو في هواه (راني مباعدو)
حتى أنا راني مباعدو

علاش هكذا مشقيني بشقاه
عييت ما نساعف واقيلا ما نعاودو
راحوا ايامنا غابوا يا حسراه
وأنا معاه صابر ما بغى ينسى عوايدو
حتى من الطيور كل واحد بلغاه
وأنا غاب طيري ما نقدرشي نسيبو
الولف صاقني خلاني نرجاه
من بعد ما جرالي نشكر الله حامدو
هذا الفراق راه فناني وفناه
رفدني ورافدو منعاسو ما بغى ينوضو
لي مابغى يبغيني ننساه (ولا نعاندو)
ماشاف حالتي قلبي يا مڨواه (ما وفاش عاهدو)
أنا في هوايا هو في هواه (راني مباعدو)
حتى أنا راني مباعدو

لي مابغى يبغيني ننساه ولا نعاندو
ماشاف حالتي قلبي يا مڨواه ما وفاش عاهدو
أنا في هوايا هو في هواه راني مباعدو
حتى أنا راني مباعدو