"كلمات دحمان الحراشي "معاك معاك دايما
اضغط هنا لقراءة المزيد من كلمات وقصائد الشعبي الجزائري


معاك معاك دايما مانقدرشي نفارقك
لازم نجي نصبرك مانقدر نخطيك
ماعندي ما نخالفك وأنا قصدي نعاشرك
ويلا تبغي نبشرك ببشارة ونجيك
قلبي يهواك، قلبي يهواك
قلبي يهواك يا يا غزالي
نتي ربحي وراس مالي مانسمح فيك

معاك نزهي ومعاك نفرح ومعاك نسهر الليالي
معاك القلب ماتغيّر ومعاك يبانلي هلالي
معاك إلا الحال يصبح الورد يفتح فالعلالي
ياك المعروضة تربّح قالولها ناس الملاح وانايا معاك نستراح
سعدي يلقاك، سعدي يلقاك
سعدي يلقاك يا غزالي
نتي لي زايدة هبالي وانا نبغيك

معاك معاك دايما مانقدرشي نفارقك
لازم نجي نصبرك مانقدر نخطيك
ماعندي ما نخالفك و أنا قصدي نعاشرك
ولا تبغي نبشرك ببشارة ونجيك
قلبي يهواك، قلبي يهواك
قلبي يهواك يا غزالي
نتي ربحي وراس مالي ما نسمح فيك
معاك الولف شحال يحكم ومعاك شحال ما جرالي
ما نفرّط فيك ما نسلّم نهواك والغير ما درالي
كي نكون معاك ما نخمّم والدنيا كلها ديالي
الحب تقول سيف يجرح العقل معاه وين راح
سافر مابين الرياح
فاين رماك، واين رماك
واين رماك يا غزالي
مابان خيالك في خيالي ربي يهديك

معاك معاك دايما مانقدرشي نفارقك
لازم نجي نصبرك مانقدر نخطيك
ما عندي ما نخالفك وأنا قصدي نعاشرك
ويلا تبغي نبشرك ببشارة ونجيك
قلبي يهواك، قلبي يهواك
قلبي يهواك يا غزالي
نتي ربحي وراس مالي مانسمح فيك