Rukundo

from Ubuvanganzo II (2019)
[Verse 1: Icenova]

Utazi umwanzi asiga umubiri

Uwitonze akama ishashi
Kandi nta mfura ipfunyikira indi

Aho amazi yaba akiri yayandi

Ngo agaharawe gahabwa agahari

Agahararutswe kagahabwa agahini

Ko mbona umeze nk'uhari udahari

Aho ntiwaba waratannye disi

Nshuti yanjye wibuke ko, ari njye nawe kugera kw'iherezo

None twungirane, tugirane, turambane

Bene inabi baruhanwe, barahirwe bahinduke

Iyi si twese tuyiriho nk'abagenzi

Iby'isi nabyo bikadusimbukira busazi

Sibwo bibaye insazi kabutindi

Sibwo ifaranga rigannye insinzi, sibwo urukundo rugabye irimbi

Sibwo ubumuntu buzimiye, mpemuke ndamuke sibwo bakoye

Sibwo uruhumbu mu bantu ruteye

Sibwo imitima yijimye

Mfatiraho bushyashya mba umusare ubwato ndagashya

Ikondera ndavuza, impinduka ndamiza

Ukuri kuri mu kuri, nkukumbuza ukuri

Nkusangiza abakuru ndaterura ndatura nti



[Chorus: Icenova]

Rukundo, rukundo, ko ari wowe wo kurokora isi

Rukundo rukundo, ese abawe bakurwanyiriza iki

Rukundo, rukundo, ko ari wowe wo kurokora isi

Rukundo rukundo, ese abawe bakurwanyiriza iki



[Hook: Icenova]

Cyo shabuka nshinga imizi, Cyo sugira yewe rukundo

Cyo shabuka nshinga imizi, Cyo sugira yewe rukundo

Cyo shabuka nshinga imizi, Cyo sugira yewe rukundo

Cyo shabuka nshinga imizi, Cyo shabuka, Cyo shabuka



[Verse 2: Icenova]

Ubwira uwumva ntavunika, ntihaba gukanura haba Imana ikurebera

Uramenye udakaraba urusenda, ntawe uhururuza ahunga abana

Nta mufene w'ifaranga, nta mubano waryo uramba

Kuko siryo biryo nibwo burozi mu biryo

Nawe dore se urazi neza ko ugomba kubaho nk'uko n'abandi bagomba

Gusa ye ukigira ishyano ukabyigwizaho

Hari ababuze amarariro, mu ngarani iwawe upakiremo

Hari abarara mu biraro, iwawe ngo inzu niba ntay'ubukode byaruta ikabera ahongaho

Siwowe iruhande rwawe nibo gusa

Siwowe gusa no mu mahanga nibo gusa

Siwowe gusa n'abagukuriye nibo gusa, gusa niwowe mpinduka

Kuki utakunda kandi ucyenera gukundwa

Kucyi utafasha kandi ucyenera gufashwa

Kuki utabana n'abandi neza kandi ntacyo bitwara?

Akarenge hasi ni kumiguruko, ngo isi itadusiga ye, twayiriye inyomeko

Uzakugaba ineza, uzamwiture ineza, uzahahe uronke

Ushake ubyare usaze utanduranyije



[Chorus: Icenova]

Rukundo, rukundo, ko ari wowe wo kurokora isi

Rukundo rukundo, ese abawe bakurwanyiriza iki



[Bridge: Icenova]

Ese mu byago nagusanga he?

Wanyakiriza urwango cyangwa urukundo

Ese ari nkawe wabigenza ute?

Warota urutisha amikoro ubugingo?

Uko ubikora, uko ubikora, gisha Inama Imana yawe

Nibyo bigena ibyo uzabona imbere aho ugana

Ndabona akebo kajya iwamugarura



[Hook: Icenova]

Cyo shabuka nshinga imizi, Cyo sugira yewe rukundo

Cyo shabuka nshinga imizi, Cyo sugira yewe rukundo

Cyo shabuka nshinga imizi, Cyo sugira yewe rukundo

Cyo shabuka nshinga imizi, Cyo shabuka, Cyo shabuka



[Chorus: Icenova]

Rukundo, rukundo, ko ari wowe wo kurokora isi

Rukundo rukundo, ese abawe bakurwanyiriza iki

Rukundo, rukundo, ko ari wowe wo kurokora isi

Rukundo rukundo, ese abawe bakurwanyiriza iki

More from Ubuvanganzo II (2019)