La despourveue et la bannye
De cil qui m'a donné ma vie
Seulement par un faulx rapport
Ha Fortune n'as-tu pas tort
D'avoir la cause ainsi pugnie

Le povre cueur ne pensoit mie
D'estre de lui en tel haie
Puis qu'il lui plaist elle est d'acord
La despourveue et la bannye
De cil qui m'a donné ma vie
Seulement par un faulx rapport

El ne veult plus de compagnie
Fortune le trop est aie
D'avoir esté tout son confort
Puis ne desire que la mort
S'il fault qu'elle soit faicte oublie

La despourveue et la bannye
De cil qui m'a donné ma vie
Seulement par un faulx rapport
Ha Fortune n'as-tu pas tort
D'avoir la cause ainsi pugnie